കേരളത്തെ പുകഴ്ത്തി എന്‍.ഡി.എ. പാര്‍ലമെന്ററി പാര്‍ട്ടി നേതാവ് നരേന്ദ്രമോദി. കേന്ദ്രസര്‍ക്കാര്‍ രൂപവത്കരണവുമായി ബന്ധപ്പെട്ട് പഴയ പാര്‍ലമെന്റ് മന്ദിരത്തിലെ സെന്‍ട്രല്‍ ഹാളില്‍ ചേര്‍ന്ന എന്‍.ഡി.എ. പാര്‍ലമെന്ററി പാര്‍ട്ടി യോഗത്തില്‍ സംസാരിക്കുകയായിരുന്നു മോദി.
കേരളത്തില്‍ ബി.ജെ.പിയുടെ ഒരുപാട് പ്രവര്‍ത്തകര്‍ ബലിദാനികളായിട്ടുണ്ടെന്നും കേരളത്തില്‍നിന്ന് ലോക്‌സഭയിലേക്ക് നമ്മുടെ പ്രതിനിധി വിജയിച്ചുവെന്നും മോദി പറഞ്ഞു. ഭരണഘടനയെ വണങ്ങിക്കൊണ്ട് പ്രസംഗം ആരംഭിച്ച മോദി ഭരണഘടനാ മൂല്യങ്ങള്‍ ഉയര്‍ത്തിപ്പിടിക്കാന്‍ തങ്ങള്‍ പ്രതിജ്ഞാബദ്ധരാണെന്നും പറഞ്ഞു
