ബോബി ചെമ്മണ്ണൂരിനെതിരെകടുത്ത പ്രതിഷേധം. ഒരു പൊതുവേദിയില്‍ വച്ച് ബോബി ചെമ്മണ്ണൂര്‍ ഹണി റോസിനെക്കുറിച്ച് നടത്തിയ പരാമര്‍ശങ്ങളാണ് വിവാദമാകുന്നത്. ബോബി ചെമ്മണ്ണൂരിന്റെ വാക്കുകള്‍ അശ്ലീലച്ചുവയുള്ളതെന്നും ഈ പരാമര്‍ശം ഒരാളും പൊതുസ്ഥലത്തു പറയരുതാത്തതാണെന്ന് സോഷ്യല്‍ മീഡിയ പറയുന്നു.
ബോബി ചെമ്മണ്ണൂർ ഇൻറർനാഷണൽ ജ്വല്ലേഴ്സിൻറെ പുതിയ ഷോറൂം കണ്ണൂർ ആലക്കോട് ഉദ്ഘാനത്തിന് ഹണി റോസ് ബോബി ജൂവല്ലറിയിൽ നിൽക്കുബോഴാണ് സംഭവം. ഒരു നെക്ലസ് കഴുത്തില്‍ അണിയച്ചതിനു ശേഷം ബോബി ചെമ്മണ്ണൂര്‍ ഹണി റോസിനെ ഒന്നു കറക്കി. ‘നേര നിന്നാല്‍ മാലയുടെ മുന്‍ഭാഗമെ കാണൂ. മാലയുടെ പിന്‍ഭാഗം കാണാന്‍ വേണ്ടിയാണ് കറക്കിയത്,’ എന്നായിരുന്നു ബോബി ചെമ്മണ്ണൂര്‍ അതെക്കുറിച്ച് പറഞ്ഞത്.
ഹണി റോസിനെ പോലെ പൊതുസമ്മതിയുള്ള ഒരു സ്ത്രീയോട് ബോബി ചെമ്മണ്ണൂർ നടത്തിയ ലൈംഗിക ചുവയുള്ള സംഭാഷണം നമ്മളെ ഭയപ്പെടുത്തേണ്ടതുണ്ട്. ഏതുപുരുഷനും പൊതുമധ്യത്തിൽ ഒരു സ്ത്രീയെ നോക്കി ഇങ്ങനെ സംസാരിക്കാം എന്നാണ് ബോബി ചെമ്മണ്ണൂർ പറയാതെ പറയുന്നതെന്ന് സേഷ്യൽ മീഡിയ ആരോപിക്കുന്നു.
കൂടാതെ ഹണി റോസിനെ കാണുമ്പോള്‍ പുരാണത്തിലെ ഒരു കഥാപാത്രത്തെ ഓര്‍മ വരുമെന്ന് ആ കഥാപാത്രത്തിന്റെ പേരെടുത്ത് ബോബി പറഞ്ഞു. ഈ രണ്ടു പരാമര്‍ശങ്ങളും വലിയ വിവാദത്തിനും പ്രതിഷേധത്തിനുമാണ് വഴി വച്ചിരിക്കുന്നത്.
