കോട്ടയം: കെ.പി.എം.എസ് സംസ്ഥാന ജനറൽ കൗൺസിൽ ഒക്ടോബർ 11 ന് രാവിലെ 11 മണിക്ക് കോട്ടയം കെ.പി.എസ് മേനോൻ ഹാളിൽ ചേരും. കെ.പി.എം.എസ് സംസ്ഥാന പ്രസിഡന്റ് പി.എ.അജയഘോഷ് അദ്ധ്യക്ഷത വഹിക്കും. സംസ്ഥാന ജനറൽ സെക്രട്ടറി പുന്നല ശ്രീകുമാർ ഉദ്ഘാടനം ചെയ്യും.
സംഘടന ഏറ്റെടുത്തിരിക്കുന്ന പ്രക്ഷോഭങ്ങുടെ തുടർ പ്രക്ഷോഭങ്ങളെ സംബന്ധിച്ചും ,വർത്തമാനകാല സാമൂഹിക വിഷയങ്ങളെ സംബന്ധിച്ചുള്ള നിലപാടും കൗൺസിൽ തീരുമാനിക്കും. വിവിധ ജില്ലകളിൽ നിന്നും തിരഞ്ഞെടുക്കപ്പെട്ട 836 പ്രതിനിധികൾ ജനറൽ കൗൺസിലിൽ പങ്കെടുക്കും.
സംസ്ഥാന ജനറൽ കൗൺസിലിന്റെ സംഘാടക സമിതി രുപീകരണ യോഗം കോട്ടയം പി.ഡബ്ലു.ഡി ഹാളിൽ ചേർന്നു.
സംസ്ഥാന സെക്രട്ടറിയേറ്റംഗം മനോജ് കൊട്ടാരം അദ്ധ്യക്ഷത വഹിച്ചു. സംസ്ഥാന ട്രഷറർ അഡ്വ.എ. സനീഷ് കുമാർ ഉദ്ഘാടനം ചെയ്തു. സംസ്ഥാന അസി: സെക്രട്ടറി അഖിൽ . കെ.ദാമോദരൻ സംസ്ഥാന കമ്മറ്റിയംഗങ്ങളായ കെ.കെ.കൃഷ്ണകുമാർ , എം.കെ.മോഹനൻ , ഇ.കെ. തങ്കപ്പൻ , ഇ.ജി. സജീവ് തുടങ്ങിയവർ സംസാരിച്ചു. മനോജ് കൊട്ടാരം ചെയർമാനും അഡ്വ.എ. സനീഷ് കുമാർ ജനറൽ കൺവീനറുമായി 251 അംഗ സംഘാടക സമിതി രുപീകരിച്ചു
