ആർഎസ്എസ് നിയന്ത്രണത്തിലുള്ള ബിജെപി നേതൃത്വത്തിലുള്ളത് പൂർണമായും ഫാസിസ്റ്റ് സർക്കാരാണെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. ഹിറ്റ്ലറുടെ ആശയങ്ങളിൽ നിന്ന് പ്രത്യയശാസ്ത്ര ഊർജം ഉൾക്കൊള്ളുന്നവരാണ് ആർഎസ്എസ്. അവരുടെ ആശയമാണ് നരേന്ദ്ര മോഡി സർക്കാരിനെ നയിക്കുന്നത്. കോഴിക്കോട്ട് മാധ്യമങ്ങളോട് സംസാരിക്കുകയായിരുന്നു അദ്ദേഹം.
രാഷ്ട്രീയത്തിന് വേണ്ടി മതത്തെയും വിശ്വാസങ്ങളെയുമെല്ലാം ഉപയോഗപ്പെടുത്തേണ്ട ഫാസിസ്റ്റ് രാഷ്ട്രീയ പാഠങ്ങൾ പ്രാവർത്തികമാക്കുന്നുണ്ട് ബിജെപി സർക്കാർ.
വയനാട് ചൂരൽമലയിൽ നടന്ന സമരം രാഷ്ട്രീയ പ്രേരിതമാണ്. സമരം വയനാടി ന് ഗുണം ചെയ്യില്ല. ഇതിൽ രാഷ്ട്രീയം കാണരുത്. കൊച്ചിയിലെ ഇൻവെസ്റ്റ് കേരള ഗ്ലോബൽ സമ്മിറ്റ് പോലെ എല്ലാവരും ഒരുമിച്ച് നിൽക്കേണ്ട വിഷയമാണിതെന്നും ബിനോയ് വിശ്വം പറഞ്ഞു.
ശശി തരൂരിന്റെ്റെ നിലപാടിനെ സ്വാഗതം ചെയ്യുന്നു. പരസ്പരം കണ്ടാൽ മിണ്ടാത്ത എല്ലാ കോൺഗ്രസ് നേതാക്കളും തരൂരിനെ വളഞ്ഞിട്ട് ആക്രമിക്കുകയാണെന്നും അദ്ദേഹം കൂട്ടിചേർത്തു.
