കാർ മോഷ്ടാവ് പോലീസ് പിടിയിൽ

പെരുമ്പാവൂർ : പെരുമ്പാവൂർ പച്ചക്കറി മാർക്കറ്റിനുമുന്നിൽനിന്ന് കാർ മോഷ്ടിച്ച കേസിൽ പ്രതിയെ പോലീസ് അറസ്റ്റുചെയ്തു. മുടക്കുഴ മൂലേടത്തുംകുടി വീട്ടിൽ ബിനു (37) വിനെയാണ് പെരുമ്പാവൂർ ഇൻസ്പെക്ടർ ടി.എം. സൂഫിയുടെ നേതൃത്വത്തിലുള്ള പോലീസ് സംഘം പിടികൂടിയത്.

പോലീസിനെക്കണ്ട് രക്ഷപ്പെടാൻ ശ്രമിച്ച പ്രതിയെ പിന്തുടർന്നാണ് പിടികൂടിയത്. നേരത്തേ ഇയാൾക്കെതിരേ കാപ്പ ചുമത്തിയിരുന്നു. പത്തോളം കേസിലെ പ്രതിയാണ് ബിനു.