ന്യൂഡൽഹി | 11,ജൂൺ | 2026
രാജ്യത്ത് നിലവിലുള്ള പേപ്പർ കറൻസി നോട്ടുകൾ പിൻവലിക്കാൻ റിസർവ് ബാങ്ക് ഓഫ് ഇന്ത്യക്ക് പദ്ധതിയില്ലെന്ന് കേന്ദ്ര സർക്കാർ വ്യക്തമാക്കി.
ജൂൺ 30ഓടെ പേപ്പർ നോട്ടുകൾ പൂർണ്ണമായും നിർത്തലാക്കി പകരം പ്ലാസ്റ്റിക് നോട്ടുകൾ അവതരിപ്പിക്കുമെന്ന തരത്തിൽ സോഷ്യൽ മീഡിയയിൽ പ്രചരിക്കുന്ന വാർത്തകൾ പൂർണ്ണമായും വ്യാജമാണെന്ന് പ്രസ് ഇൻഫർമേഷൻ ബ്യൂറോ വ്യക്തമാക്കുന്നു.
നിലവിലുള്ള പേപ്പർ കറൻസി നോട്ടുകൾ നിയമപരമായ ടെണ്ടറായി തന്നെ വിപണിയിൽ തുടരുമെന്നും കേന്ദ്ര ബാങ്ക് ഇത്തരമൊരു നിർദ്ദേശം നൽകിയിട്ടില്ലെന്നും ഔദ്യോഗിക വൃത്തങ്ങൾ സ്ഥിരീകരിച്ചു.
