ന്യൂഡൽഹി | 12, ഫെബ്രുവരി | 2026
ന്യൂഡൽഹി: കേരളത്തിലെ നിയമസഭാ തിരഞ്ഞെടുപ്പിൽ കോൺഗ്രസ് പ്രചാരണക്കമ്മിറ്റി അധ്യക്ഷനായി രമേശ് ചെന്നിത്തലയെ നിയമിച്ചു. പ്രവർത്തകസമിതിയംഗം ശശി തരൂർ എം.പി.യാണ് ഉപാധ്യക്ഷൻ.
ഷാഫി പറമ്പിൽ എം.പി.യാണ് കൺവീനർ. പ്രകടനപത്രിക സമിതിയുടെ ചെയര്മാനായി ബെന്നി ബെഹനാനെ നിയോഗിച്ചു. കോൺഗ്രസ് അധ്യക്ഷൻ മല്ലികാർജുൻ ഖാർഗെ വ്യാഴാഴ്ച രാത്രിയോടെയാണ് നിയമനം പ്രഖ്യാപിച്ചത്.
ഹൈബി ഈഡൻ എം.പി., എം.എൽ.എ.മാരായ റോജി എം. ജോൺ, സി.ആർ. മഹേഷ്, മാത്യു കുഴൽനാടൻ, മുൻ എം.പി. രമ്യ ഹരിദാസ്, എം. ലിജു, ദീപ്തി മേരി വർഗീസ് എന്നിവരാണ് പ്രചാരണസമിതിയിലെ മറ്റംഗങ്ങൾ.
കൊടിക്കുന്നില് സുരേഷാണ് പ്രകടനപത്രിക കമ്മിറ്റിയുടെ സഹചെയര്മാന്. ഡീന് കുര്യാക്കോസ്, ജെബി മേത്തര് എന്നിവരാണ് അംഗങ്ങള്.
എല്ലാ സാമുദായിക-മഹിളാ-യുവ സമവാക്യങ്ങളും പുലർത്തിയാണ് നിയമനം
