എറണാകുളം | 29, ഏപ്രിൽ | 2026
കണ്ണൂർ അഞ്ചരക്കണ്ടി ഡെന്റൽ കോളേജ് വിദ്യാർത്ഥി നിതിൻരാജിന്റെ മരണത്തിൽ നീതി ആവശ്യപ്പെട്ട് ദളിത് സംഘടനകളും ആക്ഷൻ കൗൺസിലും ആഹ്വാനം ചെയ്ത ഹർത്താൽ എറണാകുളം ജില്ലയെ മ്പാധിച്ചില്ലാ. പ്രതിഷേധം നടന്നത് പറവൂരും കാക്കനാടും മാത്രം. കാക്കനാട് രാവിലെ സമരനുകൂലികൾ ബസുകൾ തടയാൻ ശ്രമിച്ചുവെങ്കിലും പോലീസ് ഇവരെ അറസ്റ്റ് ചെയ്ത് നീക്കി. വ്യാപാര സ്ഥാപനങ്ങൾ അടപ്പിച്ചുവെങ്കിലും പിന്നീട് തുറന്നു.
മെട്രോ സർവ്വീസുകൾ മുടക്കമില്ലാതെ നടന്നു. സർക്കാർ ഓഫീസുകളിൽ മികച്ച ഹാജർ നില രേഖപ്പെടുത്തി. ഭൂരിഭാഗം സ്വകാര്യ ബസുകളും കെ.എസ്.ആർ.ടി.സി ബസുകളും തടസ്സമില്ലാതെ സർവ്വിസ് നടത്തി.
