കേരളം ആര് ഭരിക്കുമെന്ന് അറിയാന് ഇനി രണ്ട് ദിവസം മാത്രം. തിങ്കളാഴ്ച രാവിലെ എട്ട് മണിക്ക് വോട്ടെണ്ണല് ആരംഭിക്കും. തികഞ്ഞ വിജയപ്രതീക്ഷയിലാണ് എല് ഡി എഫും യു ഡി എഫും
മെയ് നാലിന് രാവിലെ എട്ടേകാലോടെ ആദ്യ ഫലസൂചനകള് പുറത്തുവരും. 43 ഇടങ്ങളിലായാണ് 140 മണ്ഡലങ്ങളിലെ വോട്ടെണ്ണുക. ആദ്യം പോസ്റ്റല് വോട്ടുകള് എണ്ണും. ഇ വി എമ്മുകള്ക്കായി ഒരു ഹാളില് ഏഴു മുതല് 14 വരെ മേശകള് ക്രമീകരിക്കും. വോട്ടെണ്ണലിനുള്ള എല്ലാ ക്രമീകരണങ്ങളും പൂര്ത്തിയായതായി തെരഞ്ഞെടുപ്പ് കമ്മീഷന് അറിയിച്ചു.
എല്ലാ നടപടിക്രമങ്ങളും പൂര്ത്തിയായതായി മുഖ്യ തെരഞ്ഞെടുപ്പ് ഓഫീസര് രത്തന് യു.ഖേല്ക്കര് അറിയിച്ചു.ആകെ 15,465 ഉദ്യോഗസ്ഥരെയാണ് വോട്ടെണ്ണല് ജോലിക്കായി സജ്ജീകരിച്ചിട്ടുള്ളത്. 140 ആര് ഒ മാര്, 1,340 അഡീഷണല് എ ആര് ഒമാര്, 4,208 മൈക്രോ ഒബ്സര്വര്മാര്, 4,208 കൗണ്ടിംഗ് സൂപ്പര്വൈസര്മാര്, 5,563 കൗണ്ടിംഗ് അസിസ്റ്റന്റുമാര് എന്നിവര് വോട്ടെണ്ണല് ജോലിയുടെ ഭാഗമാകും.
