ടി20 ലോകകപ്പ് 2026-ലെ നിർണായകമായ സൂപ്പർ 8 പോരാട്ടത്തിൽ ദക്ഷിണാഫ്രിക്കയ്ക്കെതിരെ ഇന്ത്യയ്ക്ക് ദയനീയ പരാജയം.
അഹമ്മദാബാദിൽ തടിച്ചുകൂടിയ തൊണ്ണൂറായിരം കാണികളെ നിശബ്ദരാക്കി ദക്ഷിണാഫ്ര-ിക്ക നിലവിലെ ചാന്പ്യൻമാരെ മലർത്തിയടിച്ചു. ദക്ഷിണാഫ്രിക്ക ഉയർത്തിയ 188 റൺ ലക്ഷ്യത്തിലേക്ക് ബാറ്റുയർത്താൻ പോലുമാകാതെയാണ് കീഴടങ്ങിയത്. 76 റണ്ണിന്റെ തോൽവി. വെറും 111 റണ്ണിനാണ് കൂടാരം കയറിയത്. സൂപ്പർ എട്ട് ആദ്യ പോരിലെ കനത്ത തോൽവി സെമി സാധ്യതകൾക്കും തിരിച്ചടിയായി.
സ്കോർ: ദക്ഷിണാഫ്രിക്ക 187/7; ഇന്ത്യ 111 (18.5)
നിലവിലെ ജേതാക്കളും റണ്ണറപ്പുകളും തമ്മിലുള്ള മുഖാമുഖത്തിൽ ഏകപക്ഷീയമായാണ് ദക്ഷിണാഫ്രിക്ക ജയം പിടിച്ചെടുത്തത്. എട്ട് ബാറ്റർമാരുമായി ഇറങ്ങിയ ഇന്ത്യൻ ടീം പേസിനെതിരെയും സ്പിന്നിനെതിരെയും ഒരുപോലെ പരുങ്ങുന്ന അവിശ്വസനീയ കാഴ്ചയായിരുന്നു.
ദക്ഷിണാഫ്രിക്കൻ ബോളർമാരുടെ കൃത്യതയാർന്ന പ്രകടനമാണ് ഇന്ത്യയെ പ്രതിരോധത്തിലാക്കിയത്. പവർപ്ലേ ഓവറുകളിൽതന്നെ വിറച്ചാണ് ഇന്ത്യ കളിച്ചത്. പവർപ്ലേയിൽ 31 റൺസ് മാത്രമാണ് നേടാനായത്.
