കുന്നത്തുനാട് | 29, ജൂൺ | 2026
വി.പി സജീന്ദ്രൻ എം.എൽ.എ യുടെ നേതൃത്വത്തിൽ നിയോജക മണ്ഡലത്തിലെ പട്ടികജാതി – പട്ടികവർഗ വിഭാഗങ്ങളുടെ പ്രശ്നങ്ങൾ നേരിട്ട് കേട്ട് പരിഹരിക്കാൻ ആരംഭിച്ച ഉയരെ ഉന്നതി പദ്ധതിക്ക് തുടക്കം. പരാതി പരിഹാര അദാലത്തിൽ വിവിധ വിഷയങ്ങളിലായി നിരവധി പരാതികളാണ് ലഭിച്ചത്. പട്ടയവുമായി ബന്ധപ്പെട്ട് 18 പരാതികളും ചികിത്സാ സഹായവുമായി ബന്ധപ്പെട്ട് 16 പരാതികളും സ്വീകരിച്ചു. കുടിവെള്ള പദ്ധതിയുടെ പൂർത്തീകരണവുമായി ബന്ധപ്പെട്ട പരാതികൾ പഞ്ചായത്ത് തലത്തിൽ പരിഹരിക്കാൻ തീരുമാനമായി.
വർഷങ്ങളായി വിവിധ സർക്കാർ ഓഫീസുകൾ കയറിയിറങ്ങിയിട്ടും പരിഹാരം കാണാതെ കിടക്കുന്ന പ്രശ്നങ്ങൾക്ക് സമയബന്ധിത പരിഹാരം കണ്ടെത്തുക എന്ന ലക്ഷ്യത്തോടെയാണ് പദ്ധതി നടപ്പാക്കുന്നത്.
ജില്ലാതലത്തിലും സംസ്ഥാനതലത്തിലും ഇടപെടൽ ആവശ്യമായ പരാതികൾ ബന്ധപ്പെട്ട വകുപ്പുകൾക്ക് മുന്നിൽ ശക്തമായി ഉന്നയിച്ച് പരിഹാരം ഉറപ്പാക്കുമെന്ന് വി.പി സജീന്ദ്രൻ എം.എൽ.എ പറഞ്ഞു.
