തമിഴ്നാട് ഇന്ന് ബൂത്തിലേക്ക്. 234 മണ്ഡലങ്ങളിലേക്ക് ഒറ്റഘട്ടമായി നടക്കുന്ന പോളിങ്ങിൽ 5.73 കോടി വോട്ടർമാർ 4,023 സ്ഥാനാർഥികളുടെ വിധി നിർണയിക്കും. ഡിഎംകെ സഖ്യവും ബിജെപിയുമായി കൈകോർത്ത അണ്ണാ ഡിഎംകെ സഖ്യവും തമ്മിലാണ് പ്രധാന പോരാട്ടമെങ്കിലും നടൻ വിജയിയുടെ ടിവികെ നിർണായകമാകും. വോട്ടിന് പണം നൽകുന്ന സംഭവങ്ങൾ വ്യാപകമായതിനാൽ തെരഞ്ഞെടുപ്പ് കമ്മീഷൻ കനത്ത ജാഗ്രതിയിലാണ്.
ഈ വർഷത്തെ തമിഴ്നാട് തിരഞ്ഞെടുപ്പിലെ മറ്റൊരു പ്രധാന വ്യക്തിത്വം നടനും രാഷ്ട്രീയക്കാരനുമായ വിജയ്യാണ്. ട്രിച്ചി ഈസ്റ്റ്, പെരമ്പൂർ എന്നീ രണ്ട് സീറ്റുകളിലാണ് അദ്ദേഹം മത്സരിക്കുന്നത്. തന്റെ ആദ്യ തിരഞ്ഞെടുപ്പിനായി തമിഴക വെട്രി കഴകം (TVK) എന്ന രാഷ്ട്രീയ പാർട്ടി രൂപീകരിച്ച വിജയ്, 233 സ്ഥാനാർത്ഥികളെയാണ് മത്സരരംഗത്തിറക്കിയിരിക്കുന്നത്.
ബംഗാളിൽ ആദ്യഘട്ട തിരഞ്ഞെടുപ്പ് 152 മണ്ഡലങ്ങളിലാണ്. സംഘർഷങ്ങളുടെ പശ്ചാത്തലത്തിൽ കനത്ത സുരക്ഷയാണ് സംസ്ഥാനത്ത് ഏർപ്പെടുത്തിയിരിക്കുന്നത്. ഇരു സംസ്ഥാനങ്ങളിലും ബൂത്തുകളിൽ പോളിങ് ആരംഭിച്ചു
