തിരുവനന്തപുരം: പി. സരിൻ ഉന്നയിച്ച വിമർശനങ്ങൾക്ക് വ്യക്തിപരമായി മറുപടി പറയാനില്ലെന്ന് പാലക്കാട്ടെ യുഡിഎഫ് സ്ഥാനാർഥി രാഹുൽ മാങ്കൂട്ടത്തിൽ. സരിൻ തന്റെ അടുത്ത സുഹൃത്താണ്. ഇന്നലെയും നല്ല സുഹൃത്താണ്, ഇന്നും, നാളെയും അങ്ങനെത്തന്നെ ആയിരിക്കും. അദ്ദേഹം നല്ല പ്രത്യയശാസ്ത്ര ക്ലാരിറ്റിയുള്ള നേതാവാണെന്നും രാഹുൽ പറഞ്ഞു.
പാലക്കാട്ട് യൂത്ത് കോണ്ഗ്രസ് സംസ്ഥാന സെക്രട്ടറി രാഹുല് മാങ്കൂട്ടത്തിലിനെ സ്ഥാനാര്ഥിയായി പ്രഖ്യാപിച്ച പിന്നാലെ നേതൃത്വത്തിനെതിരെ യുവനേതാവ് പി.സരിന് രംഗത്ത് വന്നിരുന്നു. രാഹുലിന്റെ സ്ഥാനാര്ഥിത്വം പുനഃപരിശോധിക്കണമെന്ന് സരിന് ആവശ്യപ്പെട്ടു. യു.ഡി.എഫ്. തോറ്റാല് തോല്ക്കുന്നത് രാഹുല് ഗാന്ധിയാകുമെന്നും സരിന് പറഞ്ഞു.
പാലക്കാട്ടെ സ്ഥാനാർഥി നിർണയത്തിൽ പാർട്ടി ഒരു വ്യക്തിയുടെ പിടിവാശിക്ക് വഴങ്ങിയെന്നായിരുന്നു ഷാഫി പറബിലിനെ ലക്ഷ്യം വച്ച് സരിന്റെ ആരോപിച്ചിരുന്നു.
